Mikið hefur metnaðnum hrakað á fréttastofu moggans.

Ég hef áður tjáð mig hér á blogginu um síversnandi málfar og metnað í íslenskum netmiðlum. Þetta er óþolandi að verða og á við bæði fréttaskrif, auglýsingar og greinar. Ég er enginn öfgasinni þegar kemur að íslensku máli en ég styð það að um skýra framsetningu á íslensku sé að ræða þegar skrifað er í íslenska miðla. Svo er það alger lágmarkskrafa að menn hafi staðreyndirnar á hreinu - Gorbachev var aðalritari Sovétska Kommúnistaflokksins. Ætli fréttaritarinn sé ekki sá sami og skrifaði um "höfuðborg Moskvu" nú um daginn sem ég vakti athygli á hér á síðunni.

Ég legg til að mbl.is láti fréttaritara skrifa undir fréttir og svo væri allt í lagi að ritari þessarar fréttar finni sér aðra atvinnu. Hvað er að ykkur þarna hjá mbl.is? Þið eigið að standa vörð um íslenska tungu og svo hlýtur það að vera lágmarkskrafa að fréttaritarar hafi einhverja lágmarksþekkingu á því sem þeir eru að skrifa um. Hingað til hefur þessi miðill einkennst af meiri metnaði - vonandi er þetta ekki að koðna algerlega niður í FM hugsanahátt og hrognamál.

 

Þór Þórunnarson 

Sakar Vesturveldin um að skapa hættulegt fordæmi

Athugasemdir

[Hólmdís Hjartadóttir (IP-tala skráð) 29.12.2007 kl. 11:45]

Tek undir þetta. Það fer óskaplega í taugarnar á mér hvað mikið er af villum í mbl.

[Kári Magnússon, 29.12.2007 kl. 13:19]

Ég er sammála þér um tíðar villur á mbl, en mig langar þó að koma þeim aðeins til varnar.

Gorbachev eða Gorbachov

Á rússnesku er nafnið skrifað Горбачёв, stafurinn "ё" hefur hljóðið "yo", en "e" hljóðið ye. Samkvæmt hefð er "ё" ekki skrifaður með punktunum tveim og menn verða bara að vita hvar hann kemur fyrir. Þetta getur valdið misskilningi.

Þar sem "ё" kemur fyrir í orði er alltaf á hersla á hann og því mýkist hljóðið ekki út í framburði.

Hljóðið "ch" hefur ekki mikla þýðingu í íslensku og því kannski réttast að skrifa Gorbatsjov 

[Þór Ludwig Stiefel TORA, 29.12.2007 kl. 14:26]

Takk fyrir þessar ábendingar Kári - tek þær til greina. Ég benti bara á þetta vegna þess að það hefur skapast hefð fyrir því að skrifa Gorbachev á vesturlöndum en aðallega var ég að benda á það að Gorbi :-) var ekki forseti Sovétríkjanna.