The Icesave did not collapse because of the global financial meltdown mr. Jonny Dymond - it collapsed because it was totally unrealistic and a fraud.

Það er óþolandi dapurlegt hversu illa íslendingar, og þá íslensk stjórnvöld, standa sig í því að upplýsa umheiminn um hvað eiginlega er að gerast á Íslandi. Þó er sérstaklega aumkunarvert að fylgjast með eftiráútskýringum íslenskra stjórnmálamanna, fréttamanna og, svo kallaðra sérfræðinga, á því hvað átti sér stað í aðdraganda hrunsins. Ég ætla að vitna hér í frétt BBC um þjóðaratkvæðagreiðslu íslendinga á Icesave lögunum.

“Britain and the Netherlands want the money as repayment for bailing out customers in the Icesave online bank, which folded in 2008 due to the global financial meltdown.”

“Bretland og Holland vilja féð sem greiðslu fyrir að tryggja innistæður viðskiptavina Icesave netbankans, sem féll árið 2008 vegna alheims efnahagskreppunnar.”

Takið eftir því að, eðlilega, heldur blaðamaðurinn því fram að Icesave bankaævintýrið hafi fallið vegna heimskreppunnar. Sem íslendingur þá skil ég svo sem vel að ekki sé mikill vilji meðal ráðamanna og svo kallaðra sérfræðinga að leiðrétta þetta hjá blaðamanni BBC eða nokkrum öðrum ef út í það er farið, en fræðimenn ættu að sjá sóma sinn í því. Í raun ættu allir íslendingar að sjá sóma sinn í því vegna þess að það eitt getur bjargað æru okkar. Það var nefnilega svona æðruleysi og –já- heimska sem kom okkur um koll.

Icesave bankinn, kæri blaðamaður Jonny Dymond hjá BBC, féll ekki vegna alheims efnahagskreppunnar heldur vegna þess hvernig Landsbanki Íslands hf. var rekinn og vegna þess að algerlega óraunhæf vaxtakjör voru í boði á Icesave reikningunum.

Svo einfald er nú það og það er sannleikurinn í málinu. Hitt lýtur mun betur út, að sjálfsögðu, að segja að þetta hafi allt hrunið vegna heimskreppunnar, en er ekki nóg komið af blekkingum, og þá sérstaklega sjálfsblekkingum?

 

Lesa má frétt BBC hér

Athugasemdir

[Gísli Ingvarsson, 7.3.2010 kl. 14:27]

Þetta er alveg rétt hjá þér, en það voru allir Íslensku bankarnir illa reknir enda fóru þeir allir til andsk. Bak við bankana var illa rekið fjármálaeftirlit. Illa rekinn seðlabanki. Sem sagt allt fjármálakerfið var byggt á sandi. Bak við allt þetta var síðan stolt þjóð yfir "strákunum sínum".

[Þór Ludwig Stiefel TORA, 7.3.2010 kl. 21:04]

Alveg rétt hjá þér Gísli.

Aðalatriðið er að bankakerfið á Íslandi hefði hrunið hvort sem alþjóðakreppan hefði skollið á eða ekki.